കായംകുളം:  നിരവധി ഗുണ്ടാ ആക്രമണ കേസുകളിലെ പ്രതികളെ പോലീസ് അറസ്റ്റുചെയ്തു.കായംകുളം,വള്ളികുന്നം പോലീസ് സ്റ്റേഷനുകളിലെ നിരവധി ഗുണ്ടാ ആക്രമണ കേസുകളിലെ പ്രതികളായ ഭരണിക്കാവ് തെക്കേമങ്കുഴി ഈരിക്കല്‍ പടീറ്റതില്‍ വീട്ടില്‍ പുലിഷെഫീക്ക് എന്ന ഷെഫീക്ക്(24),കൃഷ്ണപുരം പുള്ളിക്കണക്ക്  കളപ്പുരക്കല്‍ വീട്ടില്‍ പടീറ്റതില്‍ കരണ്ട് ഷംനാദ് എന്ന ഷംനാദ് (25)എന്നിവരാണ് അറസ്റ്റിലായത്.
കുറ്റിത്തെരുവ് പ്രദേശത്ത് ഇവര്‍ കറങ്ങിനടക്കുന്നതായി വിവരം ലഭിച്ചതിനെ തുടര്‍ന്ന് സി.ഐ കെ.സദന്‍,എസ്‌ഐ അനൂപ് എന്നിവരുടെ നേതൃത്വത്തിലുള്ള പോലീസ് സംഘം പുലിഷെഫീക്കിനെ കുറ്റിത്തെരുവില്‍ നിന്നും ഷംനാദിനെ പുള്ളിക്കണക്കില്‍നിന്നും പിടികൂടുകയായിരുന്നു.തുടര്‍ന്ന് ഇവരെ കോടതിയില്‍ ഹാജരാക്കി.
 ബൈക്ക് മോഷ്ടാവിനെ വാഹന പരിശോധനക്കിടെ പോലീസ് പിടികൂടി.ഏവൂര്‍ ആഴാത്ത് പടീറ്റതില്‍ വീട്ടില്‍ ഷാജഹാന്‍ എന്ന ഷാജിയാണ് പിടിയിലായത്.കഴിഞ്ഞ ദിവസം രാത്രി ചിറക്കടവം ജംഗ്ഷനില്‍ പോലീസ് വാഹന പരിശോധന നടത്തുന്നതിനിടയില്‍  ബൈക്കിലെത്തിയ ഇയാള്‍ പോലീസിനെ കണ്ട് വെട്ടിച്ച് കടക്കാന്‍ ശ്രമിക്കുന്നതിനിടയിലാണ് ഇയാളെ പിടികൂടിയത്.ഇയാള്‍ സഞ്ചരിച്ചിരുന്ന ബൈക്ക് മോഷ്ടിച്ചതാണെന്ന് കണ്ടെത്തിയതായി പോലീസ് പറഞ്ഞു.പിന്നീട് ഇയാളെ കോടതിയില്‍ ഹാജരാക്കി.