ഈരാറ്റുപേട്ട: പാലാ വിദ്യാഭ്യാസ ഉപജില്ലാ സ്‌കൂള്‍ കലോത്സവത്തിന് തുടക്കമായി. മൂന്നു ദിനങ്ങളിലായി പ്ലാശനാല്‍ സെന്റ് ആന്റണീസ് ഹയര്‍ സെക്കന്‍ഡറി സ്‌കൂളില്‍ നടക്കുന്ന  കലാ മാമാങ്കം പാലാ എം.എല്‍.എ കെ.എം ഉദ്ഘാടനം ചെയ്തു.  തലപ്പുലം ഗ്രാമ പഞ്ചായത്ത് പ്രസിഡന്റ് ഇന്ദിര രാധാകൃഷ്ണന്‍ അധ്യക്ഷനായിരുന്നു. പാലാ വിദ്യാഭ്യാസ ഉപ ജില്ല ഓഫിസര്‍ പി പത്മ കുമാര്‍, സ്‌കൂള്‍ മാനേജര്‍ ഫാ. ജോര്‍ജ് നിരവത്ത്, ജില്ലാ പഞ്ചായത്ത് മെമ്പര്‍ ലിസി സെബാസ്റ്റ്യന്‍, വിദ്യാഭ്യാസ സ്റ്റാന്‍ഡിങ് കമ്മിറ്റി ചെയര്‍പേര്‍സണ്‍ സിബി ഷൈലജ, മെമ്പര്‍ അനുപമ വിശ്വനാഥ്,  പാലാ വിദ്യാഭ്യസ ഓഫിസര്‍ എസ് സുജന, പ്രിന്‍സിപ്പല്‍ ഷിബി ജോസഫ്, ഹെഡ്മാസ്റ്റര്‍ ജോര്‍ജ് കുട്ടി ജേക്കബ് എന്നിവര്‍ സംസാരിച്ചു.