മനാമ : ബഹ്‌റൈനില്‍ ജോലി ചെയ്യുന്ന കണ്ണൂര്‍ ഇരിട്ടി സ്വദേശി തനിപ്പള്ളില്‍ റിജോ (34) കഴിഞ്ഞ ദിവസം രാത്രി ഉറക്കത്തിനിടെ മരിച്ചു. ചൊവ്വാഴ്ച രാത്രി താമസസ്ഥലത്തു പതിവ് പോലെ ഉറങ്ങാന്‍ കിടന്ന റിജോ രാവിലെ എഴുന്നേല്‍ക്കാത്തതിനെ തുടര്‍ന്ന് സുഹൃത്തുക്കള്‍ വിളിച്ചു നോക്കിയപ്പോഴാണ് മരിച്ച നിലയില്‍ കിടക്കുന്നത് കണ്ടത്. നാലു വര്‍ഷമായി റിജോ ബഹ്‌റൈനിലുണ്ട്. ഇവിടെ ഉമ്മുല്‍ ഹസം അസീല്‍ സൂപ്പര്‍ മാര്‍ക്കറ്റിനടുത്തുള്ള ഗ്രെസ് കോപ്പി സെന്ററിലെ ജീവനക്കാരനായിരുന്നു. രണ്ടു മാസം മുന്‍പാണ് അവധിക്കു നാട്ടില്‍ പോയി വന്നതെന്ന് ബന്ധപ്പെട്ടവര്‍ അറിയിച്ചു. നാട്ടില്‍ ഭാര്യയും 7 മാസം പ്രായമായ കുഞ്ഞും ഉണ്ട്. സല്‍മാനിയ ആശുപത്രി മോര്‍ച്ചറിയിലേക്ക് മാറ്റിയ മൃതദേഹം നിയമ നടപടികള്‍ക്ക് ശേഷം നാട്ടിലേക്ക് കൊണ്ടുപോകും.