കാഞ്ഞങ്ങാട്: ചിത്താരിയിലെ പരേതരായ  അബ്ദുല്ലയുടെയും മറിയുമ്മയുടേയും മകന്‍ ഇസ്ഹാഖ് ഹാജി (55) അന്തരിച്ചു. പത്തു ദിവസം മുമ്പ്  ഉംറക്ക് പോയിരുന്ന അദ്ദേഹം ഇന്ന് ഉച്ചക്ക്  സൗദിയില്‍വച്ചാണ് മരിച്ചത്.

സഫ-മര്‍വ മലകള്‍ക്കിടയില്‍ സഹ്‌യ് കര്‍മ്മം നിര്‍വഹിക്കുന്നതിനിടെ കുഴഞ്ഞു വീഴുകയായിരുന്നു.

സമസ്തയേയും മുസ്‌ലിം ലീഗിനേയും എക്കാലത്തും  നെഞ്ചിലേറ്റി നടന്നിരുന്ന അദ്ദേഹം എസ്.കെ.എസ്.എസ്.എഫ്, ഷാര്‍ജ കമ്മറ്റിയിലും കെ.എം.സി.സി കമ്മറ്റിയിലും പ്രവര്‍ത്തിച്ചിരുന്നു.

സൗത്ത് ചിത്താരി ജമാഅത്ത് കമ്മിറ്റി വൈസ്  പ്രസിഡന്റായി പ്രവര്‍ത്തിച്ചിരുന്നു.  മൃതദേഹം ഇന്നു രാത്രി സൗദിയില്‍ ഖബറടക്കും.

ഭാര്യ: ജമീല.
മക്കള്‍: നുഹ്മാന്‍, മിദ്‌ലാജ്, ആഷിഖ്, സാബിത്ത്, മുജ്തബ, സുഹറ, മറിയം സഫ.
മരുമകന്‍: ഹനീഫ് മേല്‍പ്പറമ്പ്.
സഹോദരങ്ങള്‍: പരേതരായ മുഹമ്മദ്, ഫാത്തിമ.