കേരള നിയമസഭയുടെ സി.പി.എസ്.റ്റി നടത്തുന്ന സര്‍ട്ടിഫിക്കറ്റ് കോഴ്‌സ ഇന്‍ പാര്‍ലമെന്ററി പ്രാക്ടീസ് ആന്റ് പ്രൊസീഡിയറുമായി ബന്ധപ്പെട്ട രണ്ടാം ഘട്ട സമ്പര്‍ക്ക ക്ലാസുകള്‍ ഡിസംബര്‍ 10നും 11 നും നിയമസഭ സമുച്ചയത്തിലും ഡിസംബര്‍ 17നും 18നും കോഴിക്കോട് നടക്കാവ് ജി.വി.എച്ച്.എസ്.സ്‌കൂളിലും നടത്തും. കോഴ്‌സിന്റെ രണ്ടാം ഘട്ട ട്യൂഷന്‍ ഫീ പിഴ കൂടാതെ ഡിസംബര്‍ 20 വരെയും പിഴയോടുകൂടി 31 വരെയും സ്വീകരിക്കും. കോഴ്‌സിന്റെ ആദ്യ ഗഡു ട്യൂഷന്‍ ഫീ അടച്ചിട്ടുളള എല്ലാ പഠിതാക്കള്‍ക്കും സമ്പര്‍ക്ക ക്ലാസ്സില്‍ പങ്കെടുക്കാമെന്ന് നിയമസഭാ സെക്രട്ടറി അറിയിച്ചു. വിവരങ്ങള്‍ അടങ്ങിയ വിജ്ഞാപനം നിയമസഭയുടെ വെബ്‌സൈറ്റ് www.niyamasabha.org ല്‍ ലഭ്യമാണ്.