കൊടുവള്ളി: പോര്‍ങ്ങോട്ടൂര്‍ പ്രദേശത്തെ ക്വാറി പ്രശ്‌നം സംബന്ധിച്ച് ചര്‍ച്ച ചെയ്യുന്നതിനിടെ നഗരസഭാ ഭരണസമിതി യോഗം ബഹിഷ്‌കരിച്ച് ഇറങ്ങിപ്പോയ എല്‍.ഡി.എഫ് കൗണ്‍സിലര്‍മാരുടെ നിലപാട് വഞ്ചനാപരമാണെന്ന് നഗരസഭാ അധ്യക്ഷ ശരീഫാ കണ്ണാടിപ്പോയില്‍, ഉപാധ്യക്ഷന്‍ എ.പി മജീദ് മാസ്റ്റര്‍ എന്നിവര്‍ വാര്‍ത്താസമ്മേളനത്തില്‍ പറഞ്ഞു.
വാര്‍ഷിക പദ്ധതി നിര്‍വഹണ ഉദ്യോഗസ്ഥര്‍ക്കു ഗുണഭോക്തൃ ലിസ്റ്റ് പോലും നല്‍കാത്ത ഇടത് അംഗങ്ങള്‍ പാവപ്പെട്ടവര്‍ക്കുള്ള ആനുകൂല്യങ്ങള്‍ നിഷേധിക്കുകയാണെന്നും നഗരസഭാ അധികൃതര്‍ ആരോപിച്ചു.
വാര്‍ത്താ സമ്മേളനത്തില്‍ സ്ഥിരംസമിതി അധ്യക്ഷന്‍മാരായ കെ. ശിവദാസന്‍, റസിയ ഇബ്രാഹിം, വി.സി നൂര്‍ജഹാന്‍, ബിന്ദു അനില്‍കുമാര്‍, കൗണ്‍സിലര്‍മാരായ കെ.കെ സഫീന, ടി.പി നാസര്‍ എന്നിവരും പങ്കെടുത്തു.