പേരാമ്പ്ര: വയനാട് വനമേഖലയില്‍ വേട്ടക്കിടെ പെരുവണ്ണാമൂഴി ഫോറസ്റ്റ് റെയിഞ്ച് ഓഫീസ് അധികൃതര്‍ കസ്റ്റഡിയിലെടുത്ത ചക്കിട്ടപാറ മുതുകാട് സ്വദേശികളായ അഞ്ചംഗ സംഘത്തിലെ നാലുപേരെ റിമാന്‍ഡ് ചെയ്തു. സുരേഷ് (46), മാത്തുക്കുട്ടി (56), ജോസഫ് (56), ബാബു (45) എന്നിവരെയാണ് പേരാമ്പ്ര കോടതി റിമാന്‍ഡ് ചെയ്തത്. പെരുവണ്ണാമൂഴി ഫോറസ്റ്റ് റെയ്ഞ്ചര്‍ ബി.ആര്‍ റൂബിനാണ് ഇവരെ അറസ്റ്റ് ചെയ്തത്. സംഘത്തില്‍പെട്ട പാപ്പച്ചന്‍ എന്ന മാത്യു ആനയുടെ ആക്രമത്തില്‍ പരുക്കേറ്റ് കോഴിക്കോട് സ്വകാര്യ ആശുപത്രിയില്‍ ചികിത്സയിലാണ്.