കണ്ണൂര്‍: സമസ്ത ജില്ലാ കോ ഓര്‍ഡിനേഷന്‍ കമ്മിറ്റി സംഘടിപ്പിക്കുന്ന ശരീഅത്ത് സംരക്ഷണ റാലി ഇന്നു കണ്ണൂരില്‍ നടക്കും. വൈകുന്നേരം നാലിന് സെന്റ് മൈക്കിള്‍സ് സ്‌കൂള്‍ ഗ്രൗണ്ടില്‍ നിന്നാരംഭിക്കുന്ന റാലി നഗരംചുറ്റി സ്‌റ്റേഡിയം കോര്‍ണറില്‍ സമാപിക്കും. തുടര്‍ന്നു പൊതുസമ്മേളനം നടക്കും. റാലിക്കു സമസ്തയുടെയും കീഴ്ഘടകങ്ങളുടെയും നേതാക്കള്‍ നേതൃത്വം നല്‍കും.
പൊതുസമ്മേളനം സമസ്ത വൈസ് പ്രസിഡന്റ് പി.കെ.പി അബ്ദുസലാം മുസ്‌ലിയാര്‍ ഉദ്ഘാടനം ചെയ്യും. സമസ്ത സെക്രട്ടറി പി.പി ഉമര്‍ മുസ്‌ലിയാര്‍ അധ്യക്ഷനാവും. അഡ്വ. ഓണംപിള്ളി മുഹമ്മദ് ഫൈസി, സത്താര്‍ പന്തല്ലൂര്‍, മമ്മൂട്ടി വയനാട്, ആബിദ് ഹുദവി തച്ചണ്ണ എന്നിവര്‍ പ്രഭാഷണം നടത്തും.