പയ്യന്നൂര്‍: പയ്യന്നൂര്‍ ഇതിഹ ചാരിറ്റബിള്‍ ട്രസ്റ്റിന്റെ ആഭിമുഖ്യത്തില്‍ രണ്ട് ദിവസങ്ങളിലായി സംഘടിപ്പിക്കുന്ന പൂരക്കളി - മറത്തുകളി ഉത്സവം ഗവ. ബോയ്‌സ് ഹൈസ്‌കൂള്‍, ബി.ഇ.എം.എല്‍.പി സ്‌കൂള്‍ എന്നിവിടങ്ങളിലായി നാളെ ആരംഭിക്കും. വൈകുന്നേരം ആറിന് സി കൃഷ് ണന്‍ എം.എല്‍. എ ഉദ്ഘാടനം ചെയ്യും. നഗരസഭാ ചെയര്‍മാന്‍ അഡ്വ. ശശി വട്ടക്കൊവ്വല്‍ അധ്യക്ഷനാകും. ഫോക്‌ലോര്‍ അക്കാദമി സെക്രട്ടറി ഡോ. എ.കെ നമ്പ്യാര്‍ മുഖ്യപ്രഭാഷണം നടത്തും. തുടര്‍ന്ന് പൂരക്കളിയും മറത്തുകളിയും നടക്കും.
നാലിന് രാവിലെ 9.30ന് ആലപ്പടമ്പ് കണ്ണങ്ങാട്ട് ഭഗവതി ക്ഷേത്ര പൂരക്കളി സംഘത്തിന്റെ പൂരക്കളി പ്രദര്‍ശനം. 10.30ന് മറത്തുകളി. വൈകുന്നേരം അഞ്ചിന് വി.പി ദാമോദരന്‍ പണിക്കരെ ആദരിക്കുന്ന ചടങ്ങിന്റെ ഉദ്ഘാടനം മന്ത്രി രാമചന്ദ്രന്‍ കടന്നപ്പള്ളി നിര്‍വഹിക്കും. വൈകുന്നേരം ആറിന് യോഗി ആട്ടം. തുടര്‍ന്ന് പയ്യന്നൂര്‍ തെരു അഷ്ടമച്ചാല്‍ കലാസംഘത്തിന്റെ പുരുഷവനിതാ കോല്‍ക്കളി. വാര്‍ത്താസമ്മേളനത്തില്‍ പിലാക്കല്‍ അശോകന്‍, വി.വി രവീന്ദ്രന്‍ നായനാര്‍, കമലാക്ഷന്‍ പണിക്കര്‍, പാണപ്പുഴ പത്മനാഭനാഭന്‍ പണിക്കര്‍, സുനില്‍ അന്നൂര്‍, വി.പി ദാമോദരന്‍, അക്കാളത്ത് നാരായണന്‍, അഡ്വ. വി.കെ നാരായണന്‍ പങ്കെടുത്തു.