കാസര്‍കോട്: കുമ്പള പഞ്ചായത്ത് മുസ്‌ലിം ലീഗ് ഓഫിസിനു വേണ്ടി കുമ്പള പഞ്ചായത്ത് ബസ് സ്റ്റാന്‍ഡു പരിസരത്തു നിര്‍മിച്ച ബഹുനില സമുച്ഛയം ബാഫഖി തങ്ങള്‍ സൗധം ഉദ്ഘാടനവും പൊതു സമ്മേളനവും നാളെ വൈകിട്ട് മൂന്നിനു അഡ്വ. മുഹമ്മദ് ബത്തേരി നഗറില്‍ നടക്കും. സംസ്ഥാന ജനറല്‍ സെക്രട്ടറി കെ.പി.എ മജീദ് ഉദ്ഘാടനം ചെയ്യും. ശിഹാബ് തങ്ങള്‍ മെമ്മോറിയല്‍ മീറ്റിംഗ് ഹാള്‍ ജില്ലാ പ്രസിഡന്റ് ചെര്‍ക്കളം അബ്ദുല്ല ഉദ്ഘാടനം ചെയ്യും. വി.പി അബ്ദുല്‍ ഖാദര്‍ അധ്യക്ഷനാകും. നാലുനിലകെട്ടിടത്തില്‍ ഷോപ്പിങ് കോംപ്ലക്‌സും മീറ്റിങ് ഹാളും ഓഫിസുമാണ് പ്രവര്‍ത്തിക്കുക. സമ്മേളനത്തിനു മുന്നോടിയായി കുമ്പള മാഹിന്‍കട്ട റഹ്മാനിയ മസ്ജിദ് പരിസരത്തു നിന്നു പ്രതിനിധി റാലിയും ഗ്രീന്‍ പരേഡും നടക്കും.
വാര്‍ത്താസമ്മേളനത്തില്‍ എം അബ്ബാസ്, വി.പി അബ്ദുല്‍ ഖാദര്‍, ബി.എന്‍ മുഹമ്മദലി, കെ.എം അബ്ബാസ്, ബി.എ റഹ്മാന്‍ ആരിക്കാടി, കെ.കെ അബ്ദുല്ലക്കുഞ്ഞി, എ.കെ ആരിഫ് സംബന്ധിച്ചു.