തേഞ്ഞിപ്പലം: ദേശീയപാതയില്‍ സ്‌കൂള്‍ വാന്‍ അപകടത്തില്‍പെട്ടു വിദ്യാര്‍ഥികള്‍ക്കു പരുക്കേറ്റു. ദേശീയപാതയില്‍ സ്ഥിരം അപകടമേഖലയായ തേഞ്ഞിപ്പലം പൊലിസ് സ്റ്റേഷനു സമീപത്തെ ഹെയര്‍പിന്‍ വളവില്‍ ഇന്നലെ വൈകിട്ട് നാലരയോടെയാണ് അപകടമുണ്ടായത്.
കാലിക്കറ്റ് സര്‍വകലാശാലയ്ക്കടുത്തു കോഹിനൂരിലെ സെന്റ്‌പോള്‍ ഇംഗ്ലീഷ് മീഡിയം സ്‌കൂളിലെ വിദ്യാര്‍ഥികളെയുമായി പോയ വാന്‍ എതിരേവന്ന കാറുമായി കൂട്ടിയിടിക്കുകയായിരുന്നു.
അപകടത്തില്‍ പരുക്കേറ്റ ആയിശ മിറ, ആപന്‍തിക, ഹിബ, ഫിദ, കെ.പി മുഹമ്മദ് ഹാനി, അന്‍വിത, ഭഗവത്, മുഹമ്മദ് നിഹാല്‍ എന്നിവരെ ചേളാരിയിലെ സ്വകാര്യ ആശുപത്രിയിലും ഋതിക, ജാസിം അഹമ്മദ് എന്നിവരെ കോഴിക്കോട് മെഡിക്കല്‍ കോളജ് ആശുപത്രിയിലും പ്രവേഷിപ്പിച്ചു.