ഇരിക്കൂര്‍: മയ്യില്‍ ശ്രീകണ്ഠാപുരം റോഡില്‍ മലപ്പട്ടം കൊവ്വന്തലയില്‍ ടിപ്പര്‍ ലോറി റോഡരികിലെ കുഴിയിലേക്ക് നിയന്ത്രണംവിട്ട മറിഞ്ഞു. കഴിഞ്ഞദിവസം രാത്രിയിലാണ് സംഭവം. രണ്ട് വൈദ്യുതിതൂണുകള്‍ ഇടിച്ചു തകര്‍ത്ത ശേഷമാണ് ലോറി മറിഞ്ഞത്. ലോറി ഡ്രൈവര്‍ കൊട്ടൂര്‍വയലിലെ ഷൈജു (36), ആസാം സ്വദേശി അജിത് (27) എന്നിവര്‍ നിസാര പരുക്കുകളോടെ രക്ഷപ്പെട്ടു. ചേപ്പറമ്പില്‍ നിന്നു ചെങ്കല്ലുമായി പോവുകയായിരുന്ന ലോറിയാണ് അപകടത്തില്‍പെട്ടത്.