കോഴിക്കോട്: 'മുഹമ്മദ് നബി (സ്വ) കുടുംബ നീതിയുടെ പ്രകാശം' എന്ന സന്ദേശവുമായി എസ്.കെ.എസ്.എസ്.എഫ് ആചരിക്കുന്ന മീലാദ് കാംപയിനിന്റെ സംസ്ഥാന തല ഉദ്ഘാടനം വയനാട് ജില്ലയിലെ പൊഴുതന ആറാം മൈലില്‍ സമസ്ത കേന്ദ്ര മുശാവറ മെമ്പര്‍ കെ.ടി ഹംസ മുസ്‌ലിയാര്‍ നിര്‍വഹിച്ചു. ശൗക്കത്തലി വെള്ളമുണ്ട അധ്യക്ഷ നായി.
സത്താര്‍ പന്തല്ലൂര്‍, റശീദ് ഫൈസി വെള്ളായിക്കോട്, ഹാരിസ് ബാഖവി, ശംസുദ്ദീന്‍ റഹ്മാനി, കെ.മമ്മൂട്ടി നിസാമി തരുവണ, അയ്യൂബ്മാസ്റ്റര്‍, അബൂബക്കര്‍ റഹ്മാനി തുടങ്ങിയവര്‍ സംബന്ധിച്ചു.
ബഷീര്‍ ഫൈസി ദേശമംഗലം പ്രമേയ പ്രഭാഷണം നടത്തി. അബ്ദുല്‍ ലത്തീഫ് വാഫി സ്വാഗതവും അയ്യൂബ് മുട്ടില്‍ നന്ദിയും പറഞ്ഞു.