മുംബൈ: റിലയന്‍സ് ജിയോയുടെ പരിധികളില്ലാത്ത സേവനങ്ങളുടെ കാലാവധി നീട്ടി. മാര്‍ച്ച് 31 വരെയാണ് നീട്ടിയത്.
നേരത്തെ ഡിസംബര്‍ 31 വരെയായിരുന്നു സൗജന്യ വെല്‍കം ഓഫറിന്റെ കാലാവധി. നിലവിലുള്ള ഉപയോക്താവിനും പുതിയ ഉപയോക്താവിനും ഈ സേവനം ലഭ്യമാകും. ഡിസംബര്‍ നാലു മുതല്‍ ഈ സേവനങ്ങള്‍ നല്‍കി തുടങ്ങുമെന്ന് ചെയര്‍മാന്‍ മുകേഷ് അംബാനി വാര്‍ത്താസമ്മേളനത്തില്‍ വ്യക്തമാക്കിയിട്ടുണ്ട്.
അതേസമയം അതിവേഗ ഇന്റര്‍നെറ്റിന്റെ ഒരു ദിവസത്തെ പരമാവധി ഉപയോഗം നാലു ജി.ബിയില്‍ നിന്ന് ഒരു ജി.ബിയായി കുറച്ചു. ഉപഭോക്താക്കളിലധികവും ഒരു ജി.ബിയില്‍ കുറവ് ഡാറ്റ ഉപയോഗിക്കുന്നവരാണെന്നും അംബാനി പറഞ്ഞു.