ജിദ്ദ: ഇന്ത്യക്കാരന്റെ കൊലപാതകവുമായി ബന്ധപ്പെട്ട് നാലംഗ ഇത്യോപ്യന്‍ സംഘത്തെ റിയാദ് പൊലിസ് പിടികൂടി. നവംബര്‍ 18നാണ് കേസിനാസ്പദമായ സംഭവം. മോഷണ ശ്രമത്തിനിടെ ഇന്ത്യക്കാരനായ യുവാവിനെ സംഘം മര്‍ദ്ദിച്ച് കൊലപ്പെടുത്തുകയായിരുന്നു. തടയാന്‍ ശ്രമിച്ച കൂടെയുണ്ടായിരുന്ന മറ്റൊരു ഇന്ത്യക്കാരനും യമന്‍ പൗരനും തലയ്ക്ക് ഗുരുതരമായി പരുക്കേറ്റിരുന്നു. 

പിടിയിലായ പ്രതികള്‍ കുറ്റം സമ്മതിച്ചതായി പൊലിസ് പറഞ്ഞു. സംഘത്തില്‍ നിന്ന് കൊലക്കുപയോഗിച്ച ആയുധങ്ങള്‍ പൊലിസ് കണ്ടെടുത്തു. പ്രതികളെ തുടര്‍ നടപടിക്കായി കൈമാറിയതായി റിയാദ് പൊലിസ് മേധാവി അറിയിച്ചു.