ചെറുകുന്ന്: യുനൈറ്റഡ് വെറ്ററന്‍സ് ഫുട്‌ബോള്‍ ടീം പാപ്പിനിശ്ശേരിയും കണ്ണൂര്‍ ഏയ്‌റോസിസ് കോളേജിന്റെയും നേതൃത്വത്തില്‍ നടന്ന രണ്ടാമത് ഓള്‍ കേരള വെറ്ററന്‍സ് ഫുട്‌ബോള്‍ ടൂര്‍ണമെന്റ് ഫൈനല്‍ മല്‍സരത്തില്‍ ബി.എസ്.എന്‍.എല്‍ കോഴിക്കോട് ജേതാക്കളായി. ജേതാക്കള്‍ക്ക് കണ്ണപുരം പ്രിന്‍സിപ്പിള്‍ എസ്.ഐ ബിനുമോഹന്‍ ട്രോഫി നല്‍കി. രണ്ടിനെതിരെ അഞ്ചു ഗോളുകള്‍ക്ക് കെല്‍ട്രോണ്‍ വെറ്ററന്‍സ് കണ്ണൂരിനെയാണ് പരാജയപ്പെടുത്തിയത്. എന്‍.ടി കരുണന്‍ സ്മാരക എവര്‍ റോളിങ്ങ് ട്രോഫിക്കും പ്രൈസ് മണിക്കും വേണ്ടിയുള്ളതായിരുന്നു മത്സരം. സമാപന ചടങ്ങില്‍ ഫുട്‌ബോള്‍ താരം ഗംഗാധരന്‍ നീലേശ്വരത്തെ ഡോ. ഷാഹുല്‍ ഹമീദ് ഉപഹാരം നല്‍കി ആധരിച്ചു. ചെറുകുന്ന് പഞ്ചായത്ത് പ്രസിഡന്റ് പി.കെ അസ്സന്‍ കുഞ്ഞി, കെ രവി, വിനോദ്, പി.ടി.പി സുനീര്‍ എന്നിവര്‍ സംസാരിച്ചു.