ചെമ്മങ്കടവ്: പി.എം.എസ്.എ.എം.എ ഹയര്‍സെക്കന്‍ഡറി സ്‌കൂള്‍ വിദ്യാര്‍ഥികളുടെ 'ജലം ജീവാമൃതം' എന്ന മണ്ണ് ജലസംരക്ഷണ കാംപയിന് തുടക്കം. കാംപയിന്റെ ഭാഗമായി കോഡൂര്‍ ഗ്രാമപഞ്ചായത്തിലെ പ്രധാന ജലസ്രോതസുകളില്‍ തടയണ നിര്‍മിക്കും.
സ്‌കൂളിലെ എന്‍.എസ്.എസ് യൂനിറ്റാണ് 'ജലം ജീവാമൃതം' എന്ന മണ്ണ് ജല സംരക്ഷണ കാംപയിന്‍ ആചരിക്കുന്നത്.
ഒറ്റത്തറ വലിയതൊട്ടില്‍ തടയണ നിര്‍മാണം ആരംഭിച്ച് കാംപയിന്‍ ഉദ്ഘാടനം പി ഉബൈദുള്ള എം.എല്‍.എ നിര്‍വഹിച്ചു. പി.ടി.എ പ്രസിഡന്റ് എന്‍ കുഞ്ഞീതു അധ്യക്ഷനായി. ഗ്രാമപഞ്ചായത്തംഗങ്ങളായ എം.ടി ബഷീര്‍, മുഹമ്മദ് മച്ചിങ്ങല്‍, ഹയര്‍സെക്കന്‍ഡറി സ്‌കൂള്‍ പ്രിന്‍സിപ്പല്‍ കെ.ജി പ്രസാദ്, പി.എം ഉസ്മന്‍, സി.പി സഫ് വാന്‍, എന്‍.എസ്.എസ്. പ്രോഗ്രാം ഓഫിസര്‍ എന്‍.കെ ഹഫ്‌സല്‍ റഹ്മാന്‍, എന്‍.എസ്.എസ് യൂനിറ്റ് ലീഡര്‍മാരായ ഹംറാസ് മുഹമ്മദ് പാറമ്മല്‍, നസീബ തസ്‌നീം മങ്കരത്തൊടി, എ.കെ. മുഹമ്മദ് ഷബീര്‍, ഫാത്തിമ ഷിറിന്‍ ഷഹാന നേതൃത്വം നല്‍കി.