'അങ്കണവാടി ഒരു മലര്‍വാടി'പദ്ധതിയ്ക്ക് തുടക്കം

backup

December 02 2016 | 19:12 PM

%e0%b4%85%e0%b4%99%e0%b5%8d%e0%b4%95%e0%b4%a3%e0%b4%b5%e0%b4%be%e0%b4%9f%e0%b4%bf-%e0%b4%92%e0%b4%b0%e0%b5%81-%e0%b4%ae%e0%b4%b2%e0%b4%b0%e0%b5%8d%e2%80%8d%e0%b4%b5%e0%b4%be%e0%b4%9f%e0%b4%bf

പുത്തനത്താണി: മാറാക്കര ഗ്രാമപഞ്ചായത്ത് 'അങ്കണവാടി ഒരു മലര്‍വാടി' പദ്ധതിക്ക് തുടക്കം കുറിച്ചു.
അങ്കണവാടികള്‍ക്ക് വൈദ്യുതി, വെള്ളം, ഫര്‍ണിച്ചറുകള്‍, ചുറ്റുമതിലുകള്‍ തുടങ്ങിയ ഭൗതിക സൗകര്യങ്ങള്‍ ഉറപ്പ് വരുത്തുക, പോഷകാഹാരമായി ആഴ്ചയിലൊരിക്കല്‍ മുട്ടയും പാലും ലഭ്യമാക്കല്‍, മോണിറ്ററിങ് കമ്മിറ്റി അംഗങ്ങള്‍, ടീച്ചര്‍, ഹെല്‍പ്പര്‍ എന്നിവര്‍ക്ക് മോട്ടിവേഷന്‍ ക്ലാസ് എന്നിവയാണ് 'അങ്കണനവാടി ഒരു മലര്‍വാടി' പദ്ധതിയില്‍ ലക്ഷ്യമിടുന്നത്.
ഇതിനു വേണ്ടി 70 ലക്ഷത്തോളം രൂപയാണ് വാര്‍ഷിക പദ്ധതിയില്‍ നീക്കിയിരുപ്പ്. ഹെല്‍പ്പര്‍മാര്‍ക്കും ടീച്ചര്‍മാര്‍ക്കുമുള്ള അധിക ഓണറേറിയമായ മൂന്ന് ലക്ഷത്തോളം രൂപയുടെ കൈമാറ്റം, പ്രത്യേക പോഷകാഹാര വിതരണം എന്നിവയുടെ ഉദ്ഘാടനം പ്രൊഫ.കെ.കെ ആബിദ് ഹുസൈന്‍ തങ്ങള്‍ എം.എല്‍.എ നിര്‍വഹിച്ചു. അന്‍പത് കഴിഞ്ഞ ജീവനക്കാരെ ആദരിക്കല്‍, കുട്ടികളുടെ കലാ പരിപാടികള്‍, സമ്മാന വിതരണം എന്നിവ നടന്നു. ഗ്രാമപഞ്ചായത്ത് പ്രസിഡന്റ് വി.മധുസൂദനന്‍ അധ്യക്ഷനായി. ഖദീജ പാറോളി, വി.പി സമീറ, വഹീദാ ബാനു, അഡ്വ. പി.ജാബിര്‍, ടി.പി സഫിയ, എ.പി മൊയ്തീന്‍കുട്ടി മാസ്റ്റര്‍, കെ.പി നാരായണന്‍, പി.പി ബഷീര്‍, കാര്‍ത്ത്യായനി, ഒ.കെ സുബൈര്‍, കെ.പി സുരേന്ദ്രന്‍, ജയരാജന്‍, എന്‍.കുഞ്ഞിമുഹമ്മദ്, സുദര്‍ശനാഭായി എന്നിവര്‍ സംസാരിച്ചു.

Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."