മണ്ണാര്‍ക്കാട്: അട്ടപ്പാടി കള്ളമല വില്ലേജ് പരിധിയിലെ പുലിയറ പുഴക്കരികില്‍ നിന്നും, സമീപത്തെ വീടുകളില്‍ നിന്നുമായി 550 ലിറ്റര്‍ വാഷും, വാറ്റുപകരണങ്ങളും ജനമൈത്രി എക്‌സൈസ് സ്‌ക്വാഡ് പിടികൂടി. സംഭവത്തില്‍ ഒറവലക്കുടിയില്‍ മത്തായി മകന്‍ അടിമാലി ജോയിക്കെതിരേ കേസെടുത്തു. ജോയിയെ ഉടന്‍ പിടികൂടുമെന്ന് എക്‌സൈസ് അധികൃതര്‍ അറിയിച്ചു. പ്ലാസ്റ്റിക്, തകര ബാരലുകളിലായി സൂക്ഷിച്ച നിലയിലായിരുന്നു വാഷ്. കൂടാതെ മരത്തിന്റെ തുകല്‍, നവസാരം, പട്ട, ബാറ്ററിയുടെ കരി, ശര്‍ക്കര എന്നിവയും കണ്ടെടുത്തിട്ടുണ്ട്. റെയ്ഡിന് എക്‌സൈസ് സര്‍ക്കിള്‍ ഇന്‍സ്‌പെക്ടര്‍ ടി.ജെ ടോമി, എക്‌സൈസ് ഇന്‍സ്‌പെക്ടര്‍ സജു.പി, പ്രിവെന്റീവ് ഓഫിസര്‍മാരായ യൂനസ്.എം, മുരളി കെ.വി, സിവില്‍ എക്‌സൈസ് ഓഫിസര്‍മാരായ സതീഷ്.കെ, അജിത്കുമാര്‍.പി, ജമാലുദ്ദീന്‍ എം.എച്ച്, പ്രേംകുമാര്‍ നേതൃത്വം നല്‍കി.