കണ്ണൂര്‍: തളാപ്പ് മേഖലയില്‍ ബി.ജെ.പി നടത്തിയ ആഹ്ലാദപ്രകടനത്തിനിടയിലേക്കു ബൈക്കുകള്‍ ഓടിച്ചുകയറ്റി പ്രവര്‍ത്തകരെ അപായപ്പെടുത്താന്‍ ശ്രമിച്ചെന്ന പരാതിയില്‍ സി.പി.എം പ്രവര്‍ത്തകര്‍ക്കെതിരേ പൊലിസ് കേസെടുത്തു. ബി.ജെ.പി പ്രവര്‍ത്തകനായ തുളിച്ചേരി റോഷ്‌ന നിവാസില്‍ കെ.സി ലീയുടെ പരാതിയിലാണു കേസ്. സി.പി.എം പ്രവര്‍ത്തകരായ ജിതിന്‍ദാസ്, വിജില്‍, കിട്ടു എന്ന വിപിന്‍ദാസ്, നിഖില്‍ എന്നിവരുടെ നേതൃത്വത്തില്‍ എണ്‍പതോളം ബൈക്കുകളിലെത്തിയ സംഘം ആഹ്ലാദപ്രകടനം അലങ്കോലമാക്കുകയും ബി.ജെ.പി പ്രവര്‍ത്തകനെ മര്‍ദിച്ചുവെന്നുമാണു പരാതി.