കരുനാഗപ്പള്ളി: ഓച്ചിറ ബ്ലോക്ക് പഞ്ചായത്തില്‍ ഭവന നിര്‍മാണ ഫണ്ട് അനുവദിച്ചതിലെ ക്രമക്കേടുകളെ കുറിച്ച് സമഗ്രമായ അന്വേഷണം നടത്തണമെന്ന് മനുഷ്യാവകാശ സംഘടനയായ ഓള്‍ ഇന്ത്യ കൗണ്‍സില്‍ ഓഫ് ഹ്യൂമന്‍ റൈറ്റ്‌സ് ആന്റ് സോഷ്യല്‍ ജസ്റ്റിസ് ആവിശ്യപ്പെട്ടു. 2014 - 15 വാര്‍ഷിക പദ്ധതിയില്‍ ഉള്‍പ്പെടുത്തി അര്‍ഹരല്ലാത്തവര്‍ക്ക് വീട് നിര്‍മിച്ചു കൊടുത്തതായും കുലശേഖരപുരം പതിനൊന്നാം വാര്‍ഡില്‍ ചില വ്യക്തികള്‍ക്ക് ബ്ലോക്ക് ഫണ്ട് തിരിമറി നടത്തിയതായും ശക്തമായ ആരോപണം നിലനില്‍ക്കുന്ന സാഹചര്യത്തില്‍ ഉന്നത അന്വേഷണം നടത്തി കുറ്റക്കാരെ നിയമത്തിന് മുന്നില്‍ കൊണ്ട് വരണമെന്ന് ജില്ലാ കോര്‍ഡിനേറ്റര്‍മാരായ ഷെഫീഖ് ഷാഹുല്‍ ഹമീദ് കുരുടന്റയ്യത്ത്, സക്കീര്‍ കടത്തൂര്‍, നിസാര്‍ വാണിയന്റയ്യം തുടങ്ങിയവര്‍ ആവിശ്യപ്പെട്ടു.