കൊല്ലം: ജില്ലയിലെ 17 ട്രഷറികളിലും ശമ്പളവും പെന്‍ഷനും വാങ്ങാന്‍ ഇന്നലെ നല്ല തിരക്കാണ് അനുഭവപ്പെട്ടത്.
രാവിലെ തന്നെ പെന്‍ഷന്‍കാര്‍ ട്രഷറികള്‍ക്ക് മുന്നില്‍ എത്തിയിരുന്നു. ചില ട്രഷറികളില്‍ രാവിലെ പണം എത്താത്തതുകാരണം ആവശ്യക്കാര്‍ക്ക് ഏറെനേരം കാത്തിരിക്കേണ്ടിവന്നു. ചാത്തന്നൂര്‍ സബ്ട്രഷറിയില്‍ കഴിഞ്ഞദിവസത്തെപ്പോലെ ഇന്നലെയും പണം എത്തിയില്ല. ഇതുമൂലം പെന്‍ഷനും ശമ്പളവും വാങ്ങാനെത്തിയവര്‍ പ്രതിഷേധത്തിലായിരുന്നു. പരവൂര്‍ സബ്ട്രഷറിയില്‍ കഴിഞ്ഞദിവസം സന്ധ്യയ്ക്കാണ് പണം എത്തിയിരുന്നതെങ്കില്‍ ഇന്നലെ നേരത്തേ തന്നെ ലഭിച്ചു. കുണ്ടറയില്‍ ഉച്ചയ്ക്കുമുന്നേതന്നെ ലഭിച്ച 50 ലക്ഷം രൂപയും തീര്‍ന്നു. ചടയമംഗലത്തും കടയ്ക്കലും കഴിഞ്ഞദിവസം പണം ലഭിച്ചിരുന്നില്ല. ചടയമംലത്തും ശാസ്താംകോട്ടയിലും ഇന്നലെ ഉച്ചയ്ക്കായിരുന്നു പണം എത്തിയത്.