ജിദ്ദ: തിരുഗേഹങ്ങളുടെ അധിപനായ സല്‍മാന്‍ രാജാവ് യു.എ.ഇയിലേക്ക് യാത്ര തിരിച്ചു. ചതുര്‍രാഷ്ട്ര സന്ദര്‍ശനത്തിന്റെ ഭാഗമായാണിത്. ഈജിപ്തിലെ പ്രസിഡന്റ് അബ്ദെല്‍ ഫത്ത അല്‍ സിസിയും ഇന്ന് യുഎഇയിലേത്തുന്നുണ്ട്.

അബുദാബിയില്‍ നിന്ന് അദ്ദേഹം ദോഹയിലേക്ക് പോകും. പിന്നീട് മനാമയിലെത്തുന്ന രാജാവ് മുപ്പത്തേഴാമത് ജി.സി.സി ഉച്ചകോടിയില്‍ സഊദി സംഘത്തിന് അദ്ദേഹം നേതൃത്വം നല്‍കും. പ്രാദേശിക സുരക്ഷ, ഭീകരതയെ നേരിടല്‍, തുടങ്ങി സുപ്രധാന വിഷയങ്ങള്‍ ഉച്ചകോടിയില്‍ ചര്‍ച്ച ചെയ്യും. ഉച്ചകോടിയ്ക്ക് ശേഷം അദ്ദേഹം മൂന്ന് ദിവസത്തെ കുവൈത്ത് സന്ദര്‍ശനത്തിനായി പോകും. മേഖലയിലെ സുരക്ഷ സാമ്പത്തിക സഹകരണം ഗള്‍ഫ് രാജ്യങ്ങളുടെ പൊതുവിഷയങ്ങള്‍ എന്നിവയില്‍ ഉന്നത നേതാക്കളുമായി രാജാവ് കൂടിക്കാഴ്ച നടത്തും.