തൊടുപുഴ: എസ്ബിടി അടക്കമുള്ള അഞ്ച് അസോസിയേറ്റ് ബാങ്കുകളെ എസ്ബിഐയില്‍ ലയിപ്പിക്കാനുള്ള കേന്ദ്ര സര്‍ക്കാരിന്റെ ശ്രമത്തിനെതിരെയും പൊതുമേഖല ബാങ്കുകളെ ഇല്ലായ്മ ചെയ്യാനായി കേര്‍പ്പറേറ്റുകളെ സഹായിക്കുന്ന സര്‍ക്കാര്‍ നയത്തിനെതിരെയും ദേശവ്യാപകമായി നടത്തിയ ബാങ്ക് ജീവനക്കാരുടെ പണിമുടക്ക് ജില്ലയില്‍ പൂര്‍ണം. 

എസ്ബിടിയിലെ ഓഫീസര്‍മാര്‍ പണിമുടക്കാത്തതിനാല്‍ ശാഖകള്‍ തുറന്നുവെങ്കിലും പ്രവര്‍ത്തനങ്ങള്‍ ഒന്നും നടന്നില്ല. പണിമുക്കിയ ജീവനക്കാര്‍ എഐബിഇഎ നേതൃത്തില്‍ വിവിധ കേന്ദ്രങ്ങളില്‍ പ്രകടനവും യോഗവും നടത്തി. തൊടുപുഴയില്‍ നടന്ന യോഗം അസോസിയേഷന്‍ ജില്ലാ സെക്രട്ടറി പി കെ ജബ്ബാര്‍ ഉദ്ഘാടനം ചെയ്തു. ജോജോ പോള്‍, നഹാസ് പി സലിം, എബിന്‍, എം കെ ലീലാമ്മ എന്നിവര്‍ സംസാരിച്ചു.