പരപ്പനങ്ങാടി: 'മുഹമ്മദ് നബി (സ) കുടുംബ നീതിയുടെ പ്രകാശം' പ്രമേയത്തില്‍ എസ്.കെ.എസ്.എസ്.എഫ് നടത്തുന്ന റബീ അ് കാംപയിന്റെ ജില്ലാതല ഉദ്ഘാടനം പരപ്പനങ്ങാടിയില്‍ സമസ്ത ട്രഷറര്‍ സയ്യിദ് ജിഫ്‌രി മുത്തുക്കോയ തങ്ങള്‍ നിര്‍വഹിച്ചു. ജില്ലാ ജില്ലാ പ്രസിഡന്റ് സയ്യിദ് ഫഖ്‌റുദ്ദീന്‍ ഹസനി തങ്ങള്‍ അധ്യക്ഷനായി.
പ്രാര്‍ഥനയ്ക്കു കോഴിക്കോട് ഖാസി സയ്യിദ് മുഹമ്മദ് കോയ തങ്ങള്‍ ജമലുല്ലൈലി നേതൃത്വം നല്‍കി. ഫരീദ് റഹ്മാനി കാളികാവ് പ്രമേയ പ്രഭാഷണം നടത്തി. പി.എസ്.എച്ച് തങ്ങള്‍, എ.എസ്.കെ തങ്ങള്‍ കൊടക്കാട്, സയ്യിദ് ഹുസൈന്‍ തങ്ങള്‍ ജമലുല്ലൈലി, റഹീം മാസ്റ്റര്‍ ചുഴലി, ഉമര്‍ ദാരിമി പുളിയക്കോട്, സുബൈര്‍ ബാഖവി പാലത്തിങ്ങല്‍, അബ്ദുല്‍ ഹമീദ് കുന്നുമ്മല്‍, ഉമറുല്‍ ഫാറൂഖ് ഹുദവി, നൗഷാദ് ചെട്ടിപ്പടി, ശമീം ദാരിമി, സൈതലവി ഫൈസി സംസാരിച്ചു. ഇന്നു വലിയ്യുദ്ദീന്‍ ഫൈസി പുവ്വാട്ടുപറമ്പ് പ്രഭാഷണം നടത്തും.