തിരൂര്‍: 29ാമത് തിരൂര്‍ ഉപജില്ലാ സ്‌കൂള്‍ കലോത്സവം നാളെ തുടങ്ങും. തിരുന്നാവായ നവാമുകുന്ദ ഹയര്‍ സെക്കന്‍ഡറി സ്‌കൂളില്‍ എട്ടു വരെയാണ് കലോത്സവം.
തിങ്കളാഴ്ച വൈകിട്ട് നാലിന് ശേഷം ഘോഷയാത്ര സ്‌കൂളില്‍ സമാപിക്കും. ജില്ലാ പഞ്ചായത്ത് പ്രസിഡന്റ് എ.പി ഉണ്ണികൃഷ്ണന്‍ ഉദ്ഘാടനം ചെയ്യും. തിരുന്നാവായ  പഞ്ചായത്ത് പ്രസിഡന്റ് ഫൈസല്‍ എടശ്ശേരി അധ്യക്ഷനാകും.
ആലങ്കോട് ലീലാ കൃഷ്ണന്‍ മുഖ്യാതിഥിയാകുമെന്ന് സംഘാടക സമിതി ചെയര്‍മാന്‍ ഫൈസല്‍ എടശേരി, ജനറല്‍ കണ്‍വീനര്‍ വിജി വിശ്വന്‍, ഗോപകുമാര്‍ എം.കെ, റഷീദ് സിപി, സാജി സി എന്നിവര്‍ വാര്‍ത്താ സമ്മേളനത്തില്‍ അറിയിച്ചു. നാല് ദിവസങ്ങളിലായി നടക്കുന്ന കലോത്സവത്തില്‍ 2732 മത്സരാര്‍ഥികളാണ് പങ്കെടുക്കുന്നത്. ഒന്‍പത് സ്റ്റേജുകളിലായി മത്സരങ്ങള്‍ നടക്കും. എല്‍.പി, യു.പി, ഹൈസ്‌കൂള്‍, ഹയര്‍ സെക്കന്‍ഡറി വിഭാഗങ്ങളിലായി 116 സ്‌കൂളുകളാണ് തിരൂര്‍ ഉപജില്ലയിലുള്ളത്.