അമ്പലവയല്‍: പുതുക്കി പണിത അമ്പലവയല്‍ ജുമാ മസ്ജിദിന്റെ ഉദ്ഘാടനം പാണക്കാട് അബ്ബാസലി ശിഹാബ് തങ്ങള്‍ നിര്‍വഹിച്ചു. സമസ്ത ജില്ലാ പ്രസിഡന്റ് കെ.ടി ഹംസ മുസ്‌ലിയാര്‍ അധ്യക്ഷനായി. സമസ്ത കേരള ജംഇയ്യത്തുല്‍ ഉലമ ജന.സെക്രട്ടറി പ്രൊ. കെ ആലികുട്ടി മുസ്‌ലിയാര്‍ അനുഗ്രഹ പ്രഭാഷണം നടത്തി. സെയ്ദ് മുഹമ്മദ് നിസാമി മുഖ്യപ്രഭാഷണം നടത്തി. നിര്‍മാണ കമ്മിറ്റി കണ്‍വീനര്‍ യൂസഫ് ഹാജി റിപ്പോര്‍ട്ടവതരിപ്പിച്ചു. എം.എ മുഹമ്മദ് ജമാല്‍, ഉമര്‍ ഫൈസി, മഹല്ല് ഖത്തീബ് ഉമര്‍ നിസാമി പാക്കണ, സമദ് ഹാജി, അലവികുട്ടി ഹാജി, മൊയ്തീന്‍ ഹാജി പങ്കെടുത്തു. ചെയര്‍മാന്‍ കണക്കയില്‍ മുഹമ്മദ് ഹാജി സ്വാഗതവും എം അഷ്‌റഫ് നന്ദിയും പറഞ്ഞു.