മാനന്തവാടി: മാനന്തവാടി ഗവ.കോളജില്‍ അനുവദിച്ച ബിരുദാനന്തര കോഴ്‌സുകളുടെ ഉദ്ഘാടനവും പി.കെ കാളന്‍ മെമ്മോറിയല്‍ കോളജിന് അനുവദിച്ച അക്കാദമിക് ബ്ലോക്കുകളുടെ ശിലാസ്ഥാപനവും ഈമാസം അഞ്ചിന് വൈകീട്ട് മൂന്നിന് വിദ്യാഭ്യാസ മന്ത്രി പ്രൊഫ.സി രവീന്ദ്രനാഥ് നിര്‍വഹിക്കുമെന്ന് ഒ.ആര്‍ കേളു എം.എല്‍.എ വാര്‍ത്താസമ്മേളനത്തില്‍ അറിയിച്ചു.
ചടങ്ങില്‍ ജില്ലാ പഞ്ചായത്ത് പ്രസിഡന്റ് ടി ഉഷാകുമാരി മുഖ്യപ്രഭാഷണം നടത്തും. കണ്ണൂര്‍ യൂനിവേഴ്‌സിറ്റി വൈസ് ചാന്‍സലര്‍ ഡോ.എം.കെ അബ്ദുല്‍ഖാദര്‍, ഐ.എച്ച്.ആര്‍.ഡി. ഡയരക്ടര്‍ ഡോ.പി സുരേഷ് കുമാര്‍, ജനപ്രതിനിധികള്‍ എന്നിവര്‍ ചടങ്ങില്‍ സംബന്ധിക്കും.
എം.എ ഇംഗ്ലീഷ്, എം.എ ഡവലപ്പ്‌മെന്റ് ഇക്കണോമിക്‌സ് എന്നീ കോഴ്‌സുകളാണ് കോളജിന് അനുവദിച്ചിരിക്കുന്നത്. ഈ വര്‍ഷം തന്നെ ക്ലാസുകള്‍ ആരംഭിക്കാനാണ് ഉദ്ദേശിക്കുന്നത്. പ്രിന്‍സിപ്പല്‍ ബീന സദാശിവന്‍, പ്രീതാരാമന്‍, ഡോ.കെ.എം ജോസ്, ജസ്റ്റിന്‍ ബേബി, കൈപ്പണി ഇബ്രാഹിം പങ്കെടുത്തു