ചുണ്ടേല്‍: ആര്‍.സി ഹൈസ്‌കൂളില്‍ നടക്കുന്ന വൈത്തിരി ഉപജില്ലാ കലോത്സവത്തിന്റെ സമാപന സമ്മേളനം സി.കെ ശശീന്ദ്രന്‍ എം.എല്‍.എ ഉദ്ഘാടനം ചെയ്തു.
വിവിധ വിഭാഗങ്ങളില്‍ ഓവറോളും റണ്ണേഴ്‌സ് അപ്പും നേടിയവര്‍ക്ക് ട്രോഫികള്‍ വിതരണം ചെയ്തു. യോഗത്തില്‍ വൈത്തിരി ഗ്രാമ പഞ്ചായത്ത് പ്രസിഡന്റ് വി ഉഷാ കുമാരി, കല്‍പ്പറ്റ വികസനകാര്യ സ്റ്റാന്‍ഡിങ് കമ്മിറ്റി ചെയര്‍പേഴ്‌സണ്‍ ഉഷാ തമ്പി, ജനറല്‍ കണ്‍വീനര്‍ ആര്‍.സി.എച്ച്.എസ്.എസ് പ്രിന്‍സിപ്പല്‍ ജോണ്‍സന്‍ ജോസഫ്, വൈത്തിരി ഗ്രാമ പഞ്ചായത്ത് അംഗങ്ങളായ എം.ഡി വിജീഷ്, എല്‍.സി ജോര്‍ജ്ജ്, ഷൈനി ദേവസ്യ, പി.ടി വര്‍ഗീസ്, ബീനാ പ്രകാശ്, ബഷീര്‍ പൂക്കോടന്‍, ഷൈനി ഉദയ കുമാര്‍, പ്രസാദ്, മണികണ്ഠന്‍, എ.ഇ.ഒ ഇന്‍ചാര്‍ജ് കെ.പി മോഹന്‍, വൈത്തിരി സൂപ്രണ്ട് എ.ഇ.ഒ ബേബി മാത്യു, പി.ഡി മൈക്കിള്‍, അബ്ദുല്‍ അസീസ്, സോഫി ജോര്‍ജ്ജ്, ശ്രീജ, കെ.ടി വിനോദ് സംസാരിച്ചു.