തലശ്ശേരി: പ്രസ് ഫോറം മേരിമാതാ ചാരിറ്റബിള്‍ ട്രസ്റ്റിന്റെ സഹകരണത്തോടെ ഏര്‍പ്പെടുത്തുന്ന ഡോ. ഹെര്‍മന്‍ ഗുണ്ടര്‍ട്ട് സ്മാരക പത്രപ്രവര്‍ത്തക അവാര്‍ഡിന് സംസ്ഥാനത്തെ പ്രദേശിക പത്രപ്രവര്‍ത്തകര്‍ക്ക് അപേക്ഷിക്കാം. 2015 നവംബര്‍ ഒന്നുമുതല്‍ 2016 നവംബര്‍ 30 വരെയുള്ള കാലയളവില്‍ പത്രങ്ങളില്‍ പ്രസിദ്ധീകരിച്ച മികച്ച വാര്‍ത്തകള്‍ക്കാണ് അവാര്‍ഡ്.
വാര്‍ത്ത പ്രസിദ്ധീകരിച്ച പത്രവും മൂന്നു പകര്‍പ്പുകളും ഉള്‍പ്പെടെ 15നകം അതാത് പ്രസ് ഫോറങ്ങളുടേയോ പത്രം അധികൃതരുടെയോ സാക്ഷ്യപത്രമടക്കം അപേക്ഷിക്കണം. വിലാസം: സെക്രട്ടറി, പ്രസ്‌ഫോറം, ജൂബിലി ഷോപ്പിങ് കോംപ്ലക്‌സ്, പഴയ ബസ്സ്റ്റാന്‍ഡ്, തലശ്ശേരി-670101.