തേഞ്ഞിപ്പലം: സമസ്ത കേരള ജംഇയ്യത്തുല്‍ മുഅല്ലിമീന്‍ സെന്‍ട്രല്‍ കൗണ്‍സില്‍ കലാസാഹിത്യ മത്സരങ്ങളില്‍ ഉപയോഗിക്കുന്നതിനായി തയാറാക്കിയ ബദ്ര്‍ പടപ്പാട്ട്, ഉഹ്ദ് പടപ്പാട്ട്, മലപ്പുറം പടപ്പാട്ട്, സഫലമാല എന്നീ പുസ്തകങ്ങള്‍ എം. എ ചേളാരി പ്രകാശനം ചെയ്തു. അറബി മലയാള സാഹിത്യത്തില്‍ വിരചിതമായ മൂലഗ്രന്ഥങ്ങളില്‍ നിന്നും ഒ.എം. കരുവാരകുണ്ടാണ് ക്രോഡീകരിച്ചിരിക്കുന്നത്.
കലാമത്സരങ്ങളില്‍ പരിഗണിക്കുന്നതിനായി പടപ്പാട്ടുകളിലെ അറബി വാചകങ്ങളും ശരിയായ പ്രയോഗങ്ങളും ഉള്‍ക്കൊള്ളിച്ചിട്ടുണ്ട്. ചടങ്ങില്‍ കെ. മോയിന്‍ കുട്ടി മാസ്റ്റര്‍, കെ.എച്ച്. കോട്ടപ്പുഴ, അബ്ദുല്‍റസാഖ് മുസ്‌ലിയാര്‍ പുത്തലം സംസാരിച്ചു.