ബംഗളൂരു: കര്‍ണാടകയില്‍ വിദ്യാര്‍ഥികള്‍ സഞ്ചരിച്ച ബസിന് തീപിടിച്ചു. അപകടത്തില്‍ നിന്നും വിദ്യാര്‍ഥികള്‍ അത്ഭുതകരമായി രക്ഷപ്പെട്ടു. ബംഗളൂരുവിലെ ജലഹള്ളിയിലെ ബി.ഇ.എല്‍ സ്‌കൂളിലെ 40 വിദ്യാര്‍ഥികള്‍ സഞ്ചരിച്ച ബസാണ് ഓടികൊണ്ടിരിക്കെ തിപിടിച്ചത്. സ്‌കൂളില്‍ നിന്നും വിനോദയാത്രക്ക് പുറപ്പെട്ടതായിരുന്നു കുട്ടികള്‍. ആറ് ബസുകളിലായാണ് കുട്ടികള്‍ യാത്രതിരിച്ചത്. ഇതില്‍ ഒരു ബസിനാണ് രാമനഗരയില്‍ വച്ച് തീപിടിച്ചതെന്ന് പൊലിസ് അറിയിച്ചു.