കാന്‍പൂര്‍: പണത്തിനായി നീണ്ട ക്യൂവില്‍ നിന്ന് രാജ്യത്ത് മരിച്ചത് നിരവധിപേരാണ്. എന്നാല്‍ ഉത്തര്‍പ്രദേശിലെ കാന്‍പൂരില്‍ ഒരു ജനനമാണ് ക്യൂവിനിടയില്‍ ഉണ്ടായത്. ബാങ്കില്‍ പണത്തിനായി ക്യൂ നിന്ന യുവതി ബാങ്കിനുള്ളില്‍ പ്രസവിക്കുകയായിരുന്നു.
കാന്‍പൂരിലെ ദേഹത്ത് ജില്ലയിലെ ഒരു ബാങ്കില്‍ ക്യൂ നില്‍ക്കുന്നതിനിടെയാണ് യുവതി പ്രസവിച്ചത്. ഉടന്‍തന്നെ ബാങ്ക് അധികൃതര്‍ യുവതിയെ ആശുപത്രിയിലേക്ക് മാറ്റി. മാതാവും കുഞ്ഞും സുഖമായിരിക്കുന്നുവെന്ന് ആശുപത്രി അധികൃതര്‍ അറിയിച്ചു. യുവതിയുടെ ഭര്‍ത്താവ് കഴിഞ്ഞ സെപ്റ്റംബറില്‍ മരിച്ചിരുന്നു. ഇതുമായി ബന്ധപ്പെട്ട് സര്‍ക്കാര്‍ പ്രഖ്യാപിച്ച ധനസഹായം വാങ്ങാന്‍ ക്യൂ നില്‍ക്കുമ്പോഴായിരുന്നു പ്രസവം.