സി.ബി.എസ്.ഇ പ്ലസ് ടു പരീക്ഷാ ഫലം പുറത്തുവന്നു. കേരളത്തിന് മികച്ച വിജയം കൈവരിക്കാനുമായി. രാജ്യത്ത് ഒന്നാം സ്ഥാനം നേടിയത് സുകൃതി ഗുപ്ത എന്ന പെണ്‍കുട്ടിയാണ്. 99.04 ശതമാനം മാര്‍ക്കുമായാണ് സുകൃതിയുടെ വിജയമധുരം.

അശോക് വിഹാറിലെ മോണ്ട് ഫോര്‍ട്ട് സ്‌കൂളിലാണ് സുകൃതി പഠിച്ചത്. അച്ഛന്‍ ഐ.എ.എസ് ഒഫിസര്‍. നാഷണല്‍ ടാലന്റ് സെര്‍ച്ച് എക്‌സാമിലും മികച്ച നേട്ടം കൈവരിച്ചിട്ടുണ്ട്.

സുകൃതിയെ നേരിട്ടും അല്ലാതെയും നിരവധി പേര്‍ അഭിനന്ദിച്ചു. അച്ഛന്‍ രാഗേഷ് ഗുപ്തയുടെ വാക്കുകളിലേക്കു പോകാം-

'ഒരു ക്ലാസ് പോലും സുകൃതി ഒഴിവാക്കില്ലായിരുന്നു, കൃത്യനിഷ്ഠതയുള്ളവള്‍. എല്ലാ കാര്യത്തിലും അവള്‍ മികച്ച വിദ്യാര്‍ഥിയായിരുന്നു. കഴിഞ്ഞ രണ്ടു വര്‍ഷങ്ങളായി അവള്‍ അവധി ദിനങ്ങള്‍ ഒഴിവാക്കിയിരുന്നു. എല്ലാ അവധി ദിനങ്ങളിലും പരീക്ഷയ്ക്കുവേണ്ടിയുള്ള തയ്യാറെടുപ്പിലായിരുന്നു. ആവശ്യമായ പരിശീലനവും അവള്‍ക്കു നല്‍കിയിരുന്നു.'