ദോഹ: വടകര തിരുവള്ളൂരിലെ കാഞ്ഞിരാട്ടുതറയില്‍ ആരംഭിക്കുന്ന മാലിക് ദിനാര്‍ ഖുര്‍ആന്‍ ലേണിങ് ആന്‍ഡ് റിസര്‍ച്ച് സെന്ററിന്റെ ഖത്തറിലെ പ്രചാരണ പരിപാടികള്‍ പാണക്കാട് സയ്യിദ് സാദിഖലി ശിഹാബ് തങ്ങള്‍ ഉദ്ഘാടനം ചെയ്തു.
ചടങ്ങില്‍ വച്ച് സെന്ററിന്റെ ഖത്തര്‍ കാംപയിന്‍ പ്രവര്‍ത്തന ഫണ്ട് സഫാരി ഗ്രൂപ്പ് ഡയരക്ടറും ജനറല്‍ മാനേജറുമായ സൈനുല്‍ ആബിദീനില്‍ നിന്ന് തങ്ങള്‍ സ്വീകരിച്ചു.
സ്വാഗതസംഘം ചെയര്‍മാന്‍ എ.സി മൊയ്തു ഹാജി അധ്യക്ഷത വഹിച്ചു. സമസ്ത കേന്ദ്ര മുശാവറ അംഗം ചേലക്കാട് മുഹമ്മദ് മുസ്്‌ലിയാര്‍, അബൂദബി ബ്രിട്ടീഷ് ഇന്റര്‍നാഷനല്‍ സ്‌കൂള്‍ ഇസ്്‌ലാമിക പഠന വിഭാഗം തലവന്‍ സിംസാറുല്‍ ഹഖ് ഹുദവി, കേരളാ ഇസ്്‌ലാമിക് സെന്റര്‍ പ്രസിഡന്റ് എ.വി അബൂബക്കര്‍ ഖാസിമി, ശംസുദ്ദീന്‍ ഒളകര പങ്കെടുത്തു.