ആലപ്പുഴ: ശംസുല്‍ ഉലമയുടെ ജീവിതം മുസ്‌ലിം സമുദായത്തിന് എക്കാലവും മാതൃകയാണന്ന് സമസ്ത ജില്ലാ പ്രസിഡന്റ് സി.മുഹമ്മദ് അല്‍ ഖാസിമി പറഞ്ഞു.
കായംകുളം ശംസുല്‍ ഉലമ ഹിഫ്‌ളുല്‍ ഖുര്‍ആന്‍ കോളേജ് ഉപദേശക സമിതി ചെയര്‍മാന്‍ സ്ഥാനം ഏറ്റെടുത്ത് സംസാരിക്കുകയായിരുന്നു അദ്ദേഹം. ഹിഫ്‌ളുല്‍ ഖുര്‍ആന്‍ കോളേജ് ചെയര്‍മാന്‍ എ. ഇര്‍ഷാദ് ഉപദേശക സമിതി ചെയര്‍മാനായി തിരഞ്ഞെടുത്തതായുള്ള ഔദ്യോഗിക രേഖ നല്‍കി.
ജംഇയ്യത്തുല്‍ മുഅല്ലിമീന്‍ ജില്ലാ പ്രസിഡന്റ്, പി.എ.ശിഹാബുദ്ധീന്‍ മുസ്‌ലിയാര്‍, കോളേജ് പ്രിന്‍സിപ്പാള്‍ ഹാഫിള് അബ്ദുന്നാസിര്‍ റഹ്മാനി ലക്ഷദ്വീപ്, ജനറല്‍ സെക്രട്ടറി എ.എ.വാഹിദ്, താജുദീന്‍ ഇല്ലിക്കുളം തുടങ്ങിയവര്‍ സംബന്ധിച്ചു.