ദേശമംഗലം: സുന്നി മഹല്ലു ഫെഡറേഷന്‍ സംസ്ഥാനകമ്മിറ്റി മഹല്ലുകളില്‍ നടപ്പിലാക്കാന്‍ നിര്‍ദ്ദേശിച്ച പാരന്റിംഗ് സ്‌കൂള്‍ പ്രോജക്റ്റിന്റെ തൃശ്ശൂര്‍ ജില്ലാതല ഉദ്ഘാടനവും സുന്നി മഹല്ല് ഫെഡറേഷന്‍ ജില്ലാസാരഥി സംഗമവും നാളെ രാവിലെ 10മണിക്ക് തൃശ്ശൂര്‍ എം.ഐ.സി. കോണ്‍ഫ്രന്‍സ് ഹാളില്‍ നടക്കും.
സമസ്ത ജില്ലാ പ്രസിഡന്റും കേന്ദ്ര മുശാവറ അംഗവുമായ സയ്യിദ് മുഹമ്മദ് കോയ ബാഅലവി അല്‍ ഖാസിമി ഉദ്ഘാടനം ചെയും. സുന്നി മഹല്ല്‌ഫെഡറേഷന്‍ പ്രസിഡന്റും കേന്ദ്ര മുശാവറ അംഗവുമായ ശൈഖുനാ ചെറുവാളൂര്‍ ഹൈദ്രോസ് മുസ്‌ലിയാര്‍ അധ്യക്ഷനാകും.
സമസ്ത ജില്ലാസെക്രട്ടറിയും കേന്ദ്ര മുശാവറ അംഗവുംമായ എം. എം. മുഹ്‌യുദ്ധീന്‍ മൗലവി അനുഗ്രഹ പ്രഭാഷണം നടത്തും. സംസ്ഥാന ഓര്‍ഗനൈസര്‍മാരായ ഉസ്താദ് എ.കെ.ആലിപ്പറമ്പ്, പി.സി. ഉമ്മര്‍ മൗലവി വയനാട്, വിവിധ സെഷനുകളില്‍ ക്ലാസുടുക്കും.