ചാവക്കാട്: അകലാട് കടപ്പുറത്ത് ഓല വീട് കത്തി നശിച്ചു. അകലാട് കാട്ടിലപള്ളി ബീച്ചില്‍ പണിക്കവീട്ടില്‍ ജമാലിന്റെ ഓലമേഞ്ഞ വീടാണ് കത്തിയത്. ഞായറാഴ്ച്ച പുലര്‍ച്ചെ1.30 ഓടെയാണ് സംഭവം. ജമാലും ഭാര്യയും മക്കളും രാത്രി തറവാട്ട് വീട്ടിലായിരുന്നതിനാല്‍ അപകടം വന്‍ ഒഴിവായി. സമീപ വീട്ടുകാരാണ് തീ കത്തുന്നത് കണ്ടത്. വീടിന്റെ മേല്‍ കൂര പൂര്‍ണമായി കത്തിയമര്‍ന്നു. മേഖലയിലെ പുറമ്പോക്ക് ഭൂമിയില്‍ ഒരുവര്‍ഷം മുമ്പാണ് ഇവര്‍ വീട് നിര്‍ണിച്ചത്. കെട്ടിട നമ്പറും വൈദ്യുതി കണക്ഷനും ലഭിച്ചിരുന്നു. ജമാലിന്റെയും കുടുംബത്തന്റേയും വസ്ത്രങ്ങളും അത്യാവശ്യ രേഖകളും വൈദ്യുതി ഉപകരണങ്ങളും തീയിലമര്‍ന്നു. തീരത്ത് വനവകുപ്പ് നട്ട് പിടിപ്പിച്ച കാറ്റാടി മരങ്ങള്‍ക്ക് സമീപമാണ് ഈ വീട്. മരങ്ങളിലേക്കും തീ പടര്‍ന്നിരുന്നു. അപകട കാരണം അറിവായിട്ടില്ല.