മണ്ണാര്‍ക്കാട്: അലനല്ലൂര്‍ ഗവ. വൊക്കേഷണല്‍ ഹയര്‍സെക്കണ്ടറി സ്‌കൂളില്‍ നടന്ന മണ്ണാര്‍ക്കാട് സബ് ജില്ലാ ഉര്‍ദുകലോത്സവം ഹൈസ്‌കൂള്‍ വിഭാഗത്തില്‍ തുടര്‍ച്ചയായി പത്താം തവണയും പള്ളിക്കുറുപ്പ് ഹയര്‍ സെക്കന്‍ഡറി സ്‌കൂള്‍ ജേതാക്കളായി.
ഉര്‍ദു കലോത്സവം നിലവില്‍ വന്നത് മുതല്‍ തുടര്‍ച്ചയായി പത്താം വര്‍ഷവും ജേതാക്കളായ വിദ്യാര്‍ഥികളെയും അധ്യാപകരെയും പ്രധാനാധ്യാപകന്‍ കെ.പി ശശിധരന്റെ അധ്യക്ഷതയില്‍ നടന്ന യോഗം അനുമോദിച്ചു.
പി.ടി.എ പ്രസിഡന്റ് ശിവദാസന്‍ ഉദ്ഘാടനം ചെയ്തു, അധ്യാപകരായ പി.പി മുഹമ്മദ്കുട്ടി, കെ ഇബ്രാഹിം, കെ.സി ശശിധരന്‍, എന്‍.പി ശശിധരന്‍, കെ അലി, വി.കെ മാത്യു, എം.കെ മുരളിധരന്‍, രഞ്ജില്‍, ഫാത്തിമത്തു സബിത പ്രസംഗിച്ചു.