തുവ്വൂര്‍: തുവ്വൂരില്‍ കമാനം സംസ്ഥാനപാതയില്‍ മംഗളോദയം വായനശാലയ്ക്കു സമീപം വാഹനങ്ങള്‍ കൂട്ടിയിടിച്ചു. അപകടത്തില്‍ ഒരാള്‍ മരിക്കുകയും കുട്ടികളടക്കം അഞ്ചു പേര്‍ക്ക് പരുക്കേല്‍ക്കുകയും ചെയ്തു.
ഇന്നലെ വൈകിട്ട് നലോടെയായിരുന്നു അപകടം. നിലമ്പൂര്‍-പെരുമ്പിലാവ് സംസ്ഥാന പാതയിലാണ് അപകടം നടന്നത്. പുളമണ്ണ ഭാഗത്തുനിന്നു വന്ന ഒട്ടോയും എതിരേവന്ന ജീപ്പും കൂട്ടിയിടിക്കുകയായിരുന്നു. ഐലാശ്ശേരി കുവ്വപറത്തെ നെല്ലേങ്ങര അയ്യപ്പന്റെ ഭാര്യ നാടിച്ചി (65) ആണ് മരിച്ചത്.
ഓട്ടോ ഡ്രൈവര്‍ ഷാനവാസ്, ജീപ്പിലെ യാത്രക്കാരായ കരുവാരക്കുണ്ടിലെ മാട്ടുമ്മല്‍ ഉമൈര്‍, മാട്ടുമ്മല്‍ ആത്തിക്ക (65 ), മാട്ടുമ്മല്‍ ശിഫിന്‍ (എട്ട്), മാട്ടുമ്മല്‍ റഷ (14), എന്നിവര്‍ക്കാണ് പരുക്കേറ്റത്. ഇവരെ മഞ്ചേരിയിലെ സ്വകര്യ ആശുപത്രിയില്‍ പ്രവേശിപ്പിച്ചു.
മരിച്ച നാടിച്ചിയുടെ മക്കള്‍: ശിവരാമന്‍, സുബ്രഹ്മണ്യന്‍, ഗീത, സരോജിനി, ലക്ഷമി, കുമാരി.