കൊണ്ടോട്ടി: ലോക ഭിന്നശേഷി ദിനത്തോടനുബന്ധിച്ച് ഗ്ലോബല്‍ ഇസ്‌ലാമിക് ഫൗണ്ടേഷന്‍ ഫോര്‍ ദ ബ്ലൈന്റും കേരള ഫെഡറേഷന്‍ ഓഫ് ദി ബ്ലൈന്റ് യൂത്ത്‌ഫോറവും സംയുക്തമായി സംഘടിപ്പിക്കുന്ന ദ്വിദിന സ്മാര്‍ട്ട് ഫോണ്‍ പരിശീലന ക്യാംപ് പുളിക്കല്‍ ജിഫ്ബിയില്‍ ഡെപ്യൂട്ടി കലക്ടര്‍ സി. അബ്ദുല്‍ റഷീദ് ഉദ്ഘാടനം ചെയ്തു.
ബ്ലോക്ക് വൈസ് പ്രസിഡന്റ് എം. അബ്ദുല്‍ കരീം അധ്യക്ഷനായി. പഞ്ചായത്തംഗം പി.പി ഉമ്മര്‍, അനില്‍ മാസ്റ്റര്‍, അബ്ദുല്‍ കരീം മാസ്റ്റര്‍, മുനീബ് മാസ്റ്റര്‍ സംസാരിച്ചു. കാഴ്ചയില്ലാത്തവര്‍ക്ക് ഇന്റര്‍നെറ്റ് ബാങ്കിങ് ഉള്‍പ്പടെ മൊബൈല്‍ ഫോണിന്റെ നൂതന ഉപയോഗത്തെക്കുറിച്ച് വിദഗ്ധ പരിശീലനം നല്‍കുന്ന ക്യാംപില്‍ രജിസ്ട്രര്‍ ചെയ്ത 30 പേര്‍ക്കാണ് പരിശീലനം നല്‍കുന്നത്.