മലപ്പുറം: പാണക്കാട് സ്‌ട്രെയ്റ്റ്പാത്ത് ഇന്റര്‍നാഷണല്‍ സ്‌കൂള്‍ സംഘടിപ്പിച്ച കിഡ്‌സ് ബിനാലെ 2016ന് മലപ്പുറം മുനിസിപ്പല്‍ ടൗണ്‍ഹാളില്‍ തുടക്കമായി. പോസ്റ്റര്‍ പെയിന്റിങ്, ഗ്ലാസ് പെയിന്റിങ്, ഡോട്ട് ആര്‍ട്ട്, പിസ്താഷെല്‍ ആര്‍ട്ട്, ഇസ്‌ലാമിക് കാലിഗ്രഫി, ഇന്‍സ്റ്റലേഷന്‍, ഗ്ലിറ്റര്‍ ആര്‍ട്ട്, പോട്ട് പെയിന്റിങ്, വെജിറ്റബിള്‍ പ്രിന്റിങ് തുടങ്ങിയ വിവിധ കലാരൂപങ്ങളിലെ ആയിരത്തിലധികം കലാസൃഷ്ടികളാണ് ബിനാലെയില്‍ പ്രദര്‍ശനത്തിനെത്തിയിരിക്കുന്നത്.
പ്രീ ബിനാലെ ക്രിയേറ്റീവ് ആര്‍ട്ട് വര്‍ക്ക്‌ഷോപ്പിനു ചിത്രകാരന്‍ തോളില്‍ സുരേഷ് നേതൃത്വം നല്‍കി. തുടര്‍ന്നു നടന്ന ബിനാലെ കര്‍ട്ടണ്‍ റൈസില്‍ ജില്ലാപഞ്ചായത്ത് പ്രസിഡന്റ് എ.പി ഉണ്ണികൃഷ്ണന്‍ ഉദ്ഘാടനം ചെയ്തു. സ്‌ട്രെയ്റ്റ്പാത്ത് സി.ഇ.ഒ ഹാരിസ് മടപ്പള്ളി അധ്യക്ഷനായി. ആശാ രേണു സിങ്, ലിഞ്ച് അമാന്‍ഡ ഓസ്‌ട്രേലിയ, അലവിക്കുട്ടി ഒതുക്കുങ്ങല്‍, അലിഹസന്‍ ഹുദവി അമ്പലക്കണ്ടി, സന സിദ്ദീഖ് സംസാരിച്ചു. പ്രദര്‍ശനം രാവിലെ 9.30 മുതല്‍ വൈകിട്ട് ആറു വരെയാണ്.