കൊണ്ടോട്ടി: മുന്‍ ഇന്റര്‍നാഷണല്‍ ഫുട്‌ബോള്‍താരം സി. ജാബിര്‍ വാഹനപകടത്തില്‍ മരിച്ചു.

ഞായറാഴ്ച രാത്രി പതിനൊന്നരയോടെ കോഴിക്കോട് -പാലക്കാട് ദേശീയപാതയില്‍ മുസ്‌ലിയാരങ്ങാടിയില്‍ വെച്ചാണ് അപകടം. ജാബിര്‍ സഞ്ചരിച്ച കാര്‍ ലോറിയുമായി കൂട്ടിയിടിക്കുകയായിരുന്നു.

പാണ്ടിക്കാട് എം.എസ്.പി ക്യാമ്പില്‍ സര്‍ക്കിള്‍ ഇന്‍സ്‌പെക്ടറാണ്. അരീക്കോട് തെരട്ടമ്മല്‍ സ്വദേശിയായ ജാബിര്‍ ഫുട്‌ബോളിലെ പ്രതിരോധ നിരയിലെ താരമായിരുന്നു.

1994 ലെ നെഹ്‌റു കപ്പ് ഫുട്‌ബോളിലടക്കം കളിക്കാനിറങ്ങിയിട്ടുണ്ട്. കേരള പൊലിസ് താരമായിരുന്ന അദ്ദേഹം സന്തോഷ് ട്രോഫിയിലിടക്കം നിരവധി മത്സരങ്ങളില്‍ കേരളത്തിനായി കളിച്ചിട്ടുണ്ട്.

പിതാവ് ചെമ്പകത്ത് മുഹമ്മദ്. മാതാവ് ഖദീജ. മൃതദേഹം മഞ്ചേരി മെഡിക്കാല്‍ കോളേജ് ആശുപത്രി മോര്‍ച്ചറിയിലാണ്.