നീലേശ്വരം: ഏറ്റവും കൂടുതല്‍ വിദ്യാര്‍ഥികളെ ബാലശാസ്ത്ര പരീക്ഷയില്‍ പങ്കെടുപ്പിച്ചതിനുള്ള വിദ്യാര്‍ഥി മിത്ര ട്രോഫി ചായ്യോത്ത് ഗവ. ഹയര്‍സെക്കന്‍ഡറി സ്‌കൂളിനു ലഭിച്ചു. പി.ടി ഭാസ്‌കരപ്പണിക്കര്‍ സ്മാരക ബാലശാസ്ത്ര സമ്മേളനം ചായ്യോത്ത് ഗവ. ഹയര്‍ സെക്കന്‍ഡറി സ്‌കൂളില്‍ കാഞ്ഞങ്ങാട് വിദ്യാഭ്യാസ ജില്ലാ ഡെപ്യൂട്ടി വിദ്യാഭ്യാസ ഓഫിസര്‍ കെ.പി പ്രകാശ്കുമാര്‍ ഉദ്ഘാടനം ചെയ്തു.
'കൗമാര പ്രശ്‌നങ്ങളും പ്രതിവിധികളും' വിഷയത്തില്‍ അമൃതഭായി ക്ലാസെടുത്തു. ഡോ. ടി.എം സുരേന്ദ്രനാഥ് പി.ടി.ബി അനുസ്മരണ പ്രഭാഷണം നടത്തി. ശാസ്ത്ര പ്രസിഡന്റ് എം. ഭാസ്‌കരന്‍ നായര്‍ അധ്യക്ഷനായി. ശാസ്ത്ര പരീക്ഷാ ജില്ലാ കോഡിനേറ്റര്‍ നന്ദകുമാര്‍ കോറോത്ത്, എ.വി ശ്രീനിവാസന്‍, പി. വിജയകുമാര്‍, ഗിരീശന്‍ വട്ടപ്പൊയില്‍, ഇ. രാധ സംസാരിച്ചു.