അഞ്ചരക്കണ്ടി: കഴിഞ്ഞ നാലു ദിവസങ്ങളിലായി അഞ്ചരക്കണ്ടി ഹയര്‍ സെക്കന്‍ഡറി സ്‌കൂളില്‍ നടന്ന കണ്ണൂര്‍ സൗത്ത് ഉപജില്ലാ സ്‌കൂള്‍ കലോത്സവത്തില്‍ യു.
പി, ഹൈസ്‌കൂള്‍ വിഭാഗത്തില്‍ കടമ്പൂര്‍ എച്ച്.എസ്.എസും ഹയര്‍ സെക്കന്‍ഡറി വിഭാഗത്തില്‍ പെരളശ്ശേരി എ.കെ.ജി.സ്മാരക ഗവ.ഹയര്‍ സെക്കന്‍ഡറി സ്‌കൂളും ജേതാക്കളായി. എല്‍.പി വിഭാഗത്തില്‍ കടമ്പൂര്‍ സൗത്ത് എല്‍.പി സ്‌കൂളിനാണ് ഒന്നാം സ്ഥാനം. യു.പി,ഹൈസ്‌കൂള്‍ വിഭാഗത്തില്‍ പെരളശ്ശേരി എ.കെ.ജി സ്മാരക ഗവ. ഹയര്‍ സെക്കന്‍ഡറിക്കാണ് രണ്ടാം സ്ഥാനം. ഹൈസ്‌കൂള്‍ വിഭാഗത്തില്‍ മൂന്നും ഹയര്‍സെക്കന്‍ഡറി വിഭാഗത്തില്‍ രണ്ടാം സ്ഥാനവും അഞ്ചരക്കണ്ടി ഹയര്‍ സെക്കന്‍ഡറി സ്‌കൂള്‍ നേടി. അറബിക് സാഹിത്യോത്സവത്തില്‍ അഞ്ചരക്കണ്ടി എല്‍.പിക്കാണ് ഒന്നാം സ്ഥാനം. അഞ്ചരക്കണ്ടി മാപ്പിള എല്‍.പി, ചാല പടിഞ്ഞാറെക്കര എല്‍.പി രണ്ടാം സ്ഥാനം പങ്കിട്ടു. . യു.പി വിഭാഗത്തില്‍ കൂഞ്ഞങ്കോട് യു.പി ഒന്നും കടമ്പൂര്‍ എച്ച്.എസ്.എസ് രണ്ടും സ്ഥാനം നേടി. ഹൈസ്‌കൂള്‍ വിഭാഗത്തില്‍ കടമ്പൂര്‍ എച്ച്.എസ്.എസ്, പെരളശ്ശേരി എ.കെ.ജി സ്മാരക ഗവ. എച്ച്.എസ്.എസ്, അഞ്ചരക്കണ്ടി എച്ച്.എസ്.എസ് യഥാക്രമം ഒന്ന്, രണ്ട്, മൂന്ന് സ്ഥാനങ്ങള്‍ നേടി. സമാപന സമ്മേളനം ബ്ലോക്ക് പഞ്ചായത്ത് പ്രസിഡന്റ് കെ.കെ രാജീവന്‍ ഉദ്ഘാടനം ചെയ്തു. എം.സി മോഹനന്‍ അധ്യക്ഷനായി. എ.ഇ.ഒ എം.കെ ഉഷ സമ്മാനദാനം നടത്തി. കെ.പി ജയബാലന്‍, എ.കെ അനിത, കെ ഗിരീശന്‍, എം.പി ഹാബിസ്, പി.പി സുനില്‍, പി.കെ നിഷ, പി.ഒ ഗിരീഷ് കുമാര്‍, വി.എ തുളസീദാസ് സംസാരിച്ചു.