വില്യാപ്പള്ളി: നാലുദിവസങ്ങളിലായി വില്യാപ്പള്ളിയില്‍ നടന്നുവരുന്ന തോടന്നൂര്‍ ഉപജില്ലാ സ്‌കൂള്‍ കലോത്സവം സമാപിച്ചു. ഹൈസ്‌കൂള്‍ വിഭാഗം അറബിക് കലോത്സവത്തില്‍ വില്യാപ്പള്ളി എം.ജെ വൊക്കേഷണല്‍ ഹയര്‍ സെക്കന്‍ഡറി സ്‌കൂള്‍ ഓവറോള്‍ ചാംപ്യന്‍മാരായി.
കടമേരി ആര്‍.എ.സി ഹൈസ്‌കൂളാണ് രണ്ട@ാമത്. എല്‍.പി ജനറല്‍ വിഭാഗത്തില്‍ വില്യാപ്പള്ളി യു.പി സ്‌കൂള്‍ ഒന്നാം സ്ഥാനവും പറമ്പില്‍ എല്‍.പി സ്‌കൂള്‍ രണ്ട@ാം സ്ഥാനവും നേടി. എല്‍.പി അറബിക് വിഭാഗത്തില്‍ ചെമ്മരത്തൂര്‍ വെസ്റ്റ് എല്‍.പി ഒന്നാം സ്ഥാനവും, ചിറവട്ടം എല്‍.പി രണ്ട@ാം സ്ഥാനവും നേടി. യു.പി വിഭാഗം ജനറല്‍ മേമുണ്ട സ്‌കൂള്‍ കരസ്ഥമാക്കി. യു.പി അറബിക് വിഭാഗം കടമേരി എം.യു.പി ചാംപ്യന്‍മാരായി. ഹൈസ്‌കൂള്‍ ജനറല്‍ വിഭാഗത്തില്‍ മേമുണ്ട ഹൈസ്‌കൂള്‍ ചാംപ്യന്‍മാരായി. വില്യാപ്പള്ളി എം.ജെ സ്‌കൂളാണ് രണ്ട@ാം സ്ഥാനത്ത്.
അറബിക് ചിത്രീകരണത്തില്‍ എ ഗ്രേഡോടെ തുടര്‍ച്ചയായി പതിമൂന്നാം തവണയാണ് വില്യാപ്പള്ളി എം.ജെ വൊക്കേഷണല്‍ ഹയര്‍ സെക്കന്‍ഡറി സ്‌കൂള്‍ ടീം ജില്ലാതലത്തിലേക്ക് അര്‍ഹത നേടുന്നത്.
സമാപന സമ്മേളനം തോടന്നൂര്‍ ബ്ലോക്ക് പഞ്ചായത്ത് പ്രസിഡന്റ് തിരുവള്ളൂര്‍ മുരളി ഉദ്ഘാടനം ചെയ്തു. പ്രിന്‍സിപ്പല്‍ ഇ.ജെ സോഫിയാമ്മ അധ്യക്ഷയായി. പഞ്ചായത്ത് പ്രസിഡന്റ് കെ.കെ മോഹനന്‍ സമ്മാനദാനം നടത്തി. തോടന്നൂര്‍ എ.ഇ.ഒ എ. പ്രദീപ്കുമാര്‍, പഞ്ചായത്ത് മെമ്പര്‍ കൊടക്കലാണ്ട@ി കൃഷ്ണന്‍, ആര്‍. യൂസുഫ് ഹാജി, കാര്യാട്ട് കുഞ്ഞമ്മദ് മാസ്റ്റര്‍, ആര്‍.കെ അബ്ദുല്ല ഹാജി, ഫൈസല്‍ രാമത്ത്, വട്ടക്കണ്ടി കുഞ്ഞമ്മദ് സംസാരിച്ചു. കെ.എം ബാബു സ്വാഗതവും എം.ഇ ഇസ്മാഈല്‍ നന്ദിയും പറഞ്ഞു.