രാജാക്കാട്: ആംഗ്ലിക്കന്‍ ആര്‍ച്ച് ബിഷപ് ഡോ. ലേവി ജോസഫ് ഐക്കരയ്ക്ക് രാജാക്കട് സ്വീകരണം നല്‍കി. രാജാക്കാട് അര്‍ച്ചന ഓഡിറ്റോറിയത്തില്‍ ചേര്‍ന്ന പൊതുസമ്മേളനം വൈദ്യുതി വകുപ്പ് മന്ത്രി എം.എം മണി ഉദ്ഘാടനം ചെയ്തു.
എ .സി .ഐ രാജാക്കാട് കോര്‍ സഭകളുടെ നേതൃത്വത്തിലാണ് സ്വീകരണം ഒരുക്കിയത്. സ്വീകരണ സമ്മേളനത്തില്‍ കോര്‍ എപ്പിസ്‌ക്കോപ്പ ഡോ. എം. എം തോമസ് അധ്യക്ഷത വഹിച്ചു. ഇടുക്കി ജില്ലാ പഞ്ചായത്ത് പ്രസിഡന്റ് കൊച്ചു ത്രേസ്യാ പൗലോസ് മുഖ്യ പ്രഭാഷണം നടത്തി. തുര്‍ന്ന് സംസ്ഥാന തലത്തില്‍ ഫെന്‍സിംഗിന് സ്വര്‍ണ്ണ മെഡല്‍ നേടിയ എന്‍. ആര്‍ .സിറ്റി എസ് .എന്‍ .വി .ഹയര്‍ സെക്കണ്ടറി സ്‌കൂളിലെ വിദ്യാര്‍ഥിയായ അക്‌സാമോള്‍ തങ്കച്ചന് ഉപഹാരം നല്‍കി ആദരിച്ചു. രാജാക്കാട് ഗ്രാമ പഞ്ചായത്ത് പ്രസിഡന്റ് സതി കുഞ്ഞുമോന്‍, വിവിധ ജാതിമത, രാഷ്ട്രീയ, സാമൂഹിക, സാംസ്‌ക്കാരിക നേതാക്കള്‍ പരിപാടിയില്‍ പങ്കെടുത്തു.