തിരുവനന്തപുരം: ജയലളിതയുടെ ആരോഗ്യ നില വഷളായതിനെത്തുടര്‍ന്ന് അക്രമ സാധ്യതങ്ങള്‍ മുന്നില്‍ കണ്ട് കേരളത്തിലും പൊലിസ് സുരക്ഷ ശക്തമാക്കി. തമിഴ്‌നാട്ടില്‍ നിന്ന് നിരവധി തീര്‍ത്ഥാടകര്‍ ശബരിമലയിലേക്കെത്തുന്നതിനാല്‍ ശബരിമലയിലും പൊലിസ് സുരക്ഷ കര്‍ശനമാക്കിയിട്ടുണ്ട്. ഏത് അക്രമസാധ്യതകളും നേരിടാനായി പൊലിസിന് കര്‍ശന നിര്‍ദേശം നല്‍കിയിട്ടുണ്ട്. തമിഴ്‌നാടുമായി അതിര്‍ത്തി പങ്കിടുന്ന ജില്ലകളിലും സുരക്ഷാ മുന്‍കരുതലുകളൊരുക്കാന്‍ ഡി.ജി.പി ലോക്‌നാഥ് ബെഹ്‌റ ഉത്തരവിട്ടിട്ടുണ്ട്. കേരളത്തില്‍ നിന്നും തമിഴ്‌നാട്ടിലേക്ക് സര്‍വിസ് നടത്തുന്ന കെ.എസ്.ആര്‍.ടി.സി ബസുകള്‍ വഴി തിരിച്ചുവിട്ടിട്ടുണ്ട്.