ജക്കാര്‍ത്ത: കഴിഞ്ഞ ദിവസം ഇന്തോനേഷ്യയിലെ റിയോ ദ്വീപിലെ ബതാമില്‍ തകര്‍ന്നു വീണ എം.28 വിമാനത്തിലെ യാത്രക്കാരുടെ മൃതദേഹങ്ങള്‍ ലഭിച്ചു. ദ്വീപിനോട് ചേര്‍ന്ന തീരത്താണ് മൃതദേഹങ്ങള്‍ കണ്ടെത്തിയത്. 13 പൊലിസുകാരാണ് വിമാനത്തിലുണ്ടായിരുന്നത്.
കഴിഞ്ഞ ദിവസമാണ് വിമാനം കാണാതായത്. തുടര്‍ന്ന് നടത്തിയ തിരച്ചിലില്‍ കടലില്‍ ഒഴുകിനടക്കുന്ന വിമാനാവശിഷ്ടങ്ങളും മൃതദേഹങ്ങളും മത്സ്യബന്ധന തൊഴിലാളികള്‍ കണ്ടെത്തിയിരുന്നു.
പടിഞ്ഞാറന്‍ ഇന്തോനേഷ്യയിലാണ് അപകടം നടന്ന ദ്വീപ്. മൂന്ന് മൃതദേഹങ്ങളാണ് കണ്ടെത്തിയതെന്നും ഇവ ബതാമിലെ ആശുപത്രിയിലേക്ക് മാറ്റിയതായും പൊലിസ് പറഞ്ഞു.