ന്യൂയോര്‍ക്ക്: ലോകത്തെ ഏറ്റവും പ്രായംകൂടിയ പൂച്ചയെ കാണാതായി. ഗിന്നസ് റെക്കോര്‍ഡില്‍ ഇടംപിടിച്ച 27 വയസുള്ള കോര്‍ഡുറി എന്ന പൂച്ചയെയാണ് കാണാതായത്.
ഏഴ് ആഴ്ച മുന്‍പാണ് കാണാതായത്. ചത്തിട്ടുണ്ടാകുമെന്ന നിഗമനത്തിലാണ് വീട്ടുകാര്‍. സാധാരണ വീട്ടില്‍നിന്ന് പുറത്തുപോകാറുള്ള പൂച്ച പെട്ടെന്ന് തിരിച്ചെത്താറുണ്ടെന്ന് ഉടമസ്ഥരായ റീഡ് ഒക്കുറ, ഭര്‍ത്താവ് ആരോണ്‍ മാസുറു ഒക്കുറ എന്നിവര്‍ പറഞ്ഞു.
1989 ഓഗസ്റ്റ് ഒന്നിനാണ് കോര്‍ഡുറി ജനിച്ചത്. കാലിഫോര്‍ണിയയിലുണ്ടായിരുന്ന റ്റിഫിനി റ്റു എന്ന പൂച്ചയാണ് നേരത്തേ ഗിന്നസില്‍ ഇടംപിടിച്ചിരുന്നത്. കോര്‍ഡുറിയുടെ പേരില്‍ ഉടമകള്‍ സാമൂഹിക മാധ്യമങ്ങളില്‍ പേജ് ആരംഭിക്കുകയും 18,6000ലധികം ആളുകള്‍ പിന്തുടരുകയും ചെയ്തിരുന്നു. കാണാതായതിനുശേഷം പൂച്ചയെ കുറിച്ചുള്ള വിവരങ്ങളും ചിത്രങ്ങളും പേജില്‍ ഉള്‍പ്പെടുത്തിയിട്ടുണ്ട്.